Með aðstoð tölvutækninnar er það orðið ótrúlega þægilegt að taka upp og útsetja tónlist. Ýmis konar tónlistarhugbúnaður er nú í boði sem getur breytt heimilstölvunni í nokkurs konar sýndarhljóðver. Þessi hugbúnaður skiptist í nokkra flokka eftir því hvernig hann meðhöndlar tónlist í tölvuumhverfinu. Elsti flokkurinn eru sequenser forrit. Þessi forrit vinna með svonefnd MIDI boð, sem eru ekki hljóðmerki, heldur skipanir um hvernig hljóðgjafi (hljóðkort eða hljómborð) á að haga sér. Þannig fær hljóðgjafinn boð um hvenær nóta eða nótur eiga að byrja, hvernig þær eiga að hljóma, hve lengi þær eiga að lifa og hve sterkt.     Eitt þekktasta vörumerkið í þessum flokki er Steinberg, en þeir hafa framleitt sequensera frá því 1984. Nýjustu sequenserarnir frá Steinberg eru Cubase 4 og Cubase Studio 4, geysiöflug tæki sem vinna bæði með MIDI og hljóð. Með Cubase 4 fylgja 6 VST hljóðfæri, en 2 með Cubase Studio 4. Cubase 4 leysir af Cubase SX3 og Cubase Studio 4 leysir af Cubase SL. Cubase Essential 4 er tilvalið fyrir byrjendur og aðeins lengra komna á þessu sviði, Forrit sem vinna með tónlist á MIDI formi geta alla jafna einnig skrifað hana út á nótum. Flaggskip Steinberg er þó tvímæla-laust Nuendo, sem er hljóðvinnsluforrit í hæsta gæðaflokki. Öfugt við önnur ráðandi forrit á þeim markaði er Nuendo svokallaður “native” búnaður – þe. keyrir á þinni tölvu – þú þarft ekki að kaupa sérstakan Nuendo vélbúnað. Þetta gerir allar uppfærslur og breytingar ódýrari og einfaldari. Nuendo styður VST staðalinn og býður þar með aðgang að óteljandi VST “plug-in” efektum. Steinberg er frumkvöðull VST (Virtual Studio Technology) tækninnar sem notuð er af atvinnumönnum um allan heim. Halion(sampler), Virtual Guitarist (inniheldur 6Gb af sömplum) , Groove Agent (trommuleikari) og Virtual Bassist (bassaleikari) eru byggð á þessari tækni.   Wavelab er fulltrúi fyrir enn einn hóp tónlistarforrita, svokallaðra "wave editora" eða "bylgjubreyta". Þessi forrit eru notuð td. til að breyta hljóði eftir að það er komið inní tölvuna - deyfa eða magna hluta, skeyta tveim eða fleiri hlutum saman í einn, snúa við bútum eða jafnvel teikna eigin hljóðbylgju..   Kíktu á Cubase.net og Nuendo.com en þarna sérðu yfirlit yfir hvaða umræður eru í gangi hjá notendum forrita frá Steinberg.       Propellerheads - Hinir sænsku eru höfundar Reason, sem inniheldur meðal annars sampler, virtual analog syntha, trommuheila, “rexfile” player og tvo sequensera auk mixers og hellings af effektum! Reason geturðu tengt inn í Cubase eða Nuendo með Rewire og færð þessi hljóð þá inn á mixerinn.Nokkuð er líka til af sýndarhljóðfærum sem eru nokkurs konar dótturforrit - þe. vinna innan Cubase/Nuendo og verða partur af því. Þannig færa þau þér hljóðfæri (orgel, hljóðgerfla, trommur ofl) inn í Cubase/Nuendo. Nær því að koma upp hefðbundnu hljóðveri í tölvunni  verður varla komist.       M-Audio bjóða upp á ProTools M-powered, sem er sérstök útgáfa af ProTools ætluð með Firewire og USB hljóðkortunum þeirra M-Audio manna. Nýjasta útgáfa Pro Tools M-powered er 8.0, drekkhlaðin flottum fítusum. Auk þess bjóða M-Audio uppá ómissandi forrit eins og Ozone, Trash og Spectron eitthvað sé nefnt...   Ableton Live er ákaflega vinsælt meðal „ Live“ flytjenda og þykir aðgengilegt viðmót þess mjög vel heppnað. Með nýjustu útgáfu (V. 7.0) er Ableton Live orðið öflugt alhliða upptökuforrit, þar sem unnið er með hljóð- og midi-skrár jöfnum höndum.       Vert er þó að benda á að til að ná ásættanlegri útkomu með sýndarhljóðfæri þarf nokkuð öfluga tölvu og hljóðkort sem styður svokallað ASIO (Audio Stream In/Out). Til að ná hámarks hljómgæðum út úr tölvu þarf gott hljóðkort. Fullkomnari Soundblaster kortin eru að mörgu leyti mjög skemmtileg en duga þó skammt ef fólk vill ná útgáfuhæfum gæðum. Gífurlegur fjöldi af "Professional" hljóðkortum er í boði, öll hentug til hljóðupptöku.   Við bjóðum pro hljóðkort frá M-Audio , RME, Presonus og Steinberg.

HEIM